Quattru anni digià...ricordu d'Alanu Nicoli

Alanu davant'à a chjesa San Carlu, incù a passione di a trasmissione di a cultura à i giovani.

Sentite quì e parolle d'Anna Rocchi, una amica d'Alanu nant'à l'onde d'Alta Frequenza. 

http://www.blog.fr/srv/media/dewplayer.swf?son=http://data1.blog.de/media/838/2025838_722a657d0b_a.mp3

U nostru Fratellu è amicu si n'hè andatu à a diritta di u Cristu u venneri 28 settembre di u 2007. Pensemu è preghemu per ellu. Chì a Madonna è San Ghjiseppu l'accumpagni ...

A Cunfraterna San Carlu in memoria d'Alain Nicoli.

Messa in corsu, u 14 di settembre di u 2011 in chjesa Sant'Andria di Biguglia

Per a prima volta a cunfraterna Santa Croce di Biguglia incù una vuluntà tremenda, hà travagliatu nantu a messa in lingua corsa, chì hè stata celebrata u 14 di settembre di u 2011, ghjornu di a Santa Croce à ott'ore è mezu di sera, da u prete Nicoli è u prete Chrétien chì hà fattu un sforzu maiò per leghje in lingua nustrale. Ci vulia a felicitallu per a so forza d'esse vicinu à a nostra messa.

Anu participatu à a chjama di a cunfraterna di Biguglia, un cunfratellu di Santa Croce di San Fiurenzu, unu di San Ghjisè è a cunfraterna San Carlu per cantà a messa. A messa era fatta cun sensu, pietà è cun core.

Qualchì ritrattu di sta messa :

Nuvena di a Madonna.

Inseme avemu fattu ciò chè no ùn pudiamu fà ch'inseme.

Preghere, amicizia, vuluntà per urganizà, mantene è compie sta nuvena di Lavasina per a prucessiò è sempre incù u penseru d'esse abbastanza numerosi per purtà a Santa in a cità di Bastia.

Ma ogni annu simu in l'unione di u Spiritu Santu per purtà i nostri cori versu u nostru Signore Ghjesucristu. L'amicizia dinù di tutti quelli ch'anu participatu à cantà e messe, ci hà purtatu in core sperenza d'addunisceci sempre di più, è truvà ciò chì ci manca oghje (ma scambia pianu pianu), a fratellanza sopr'à tuttu altru restu.

A cunfraterna di San Carlu Borromeo vi ringrazia à tutti, d'esse à fiancu à noi ogni annu per sta festa di a Natività di a Madonna.

L'Uspitalieru.

Natività di a Beata Vergine Maria : Festa di Lavasina.

" Un si pò fà, solu, ciò chè no ùn pudemu fà ch'inseme incù a forza di Diu. "

NUVENE DI LAVASINA

• u 30 d'aostu di u 2011 à 6 ore è mezu, 
• u 31 d'aostu di u 2011 à 6 ore è mezu, 
• u 1u di settembre di u 2011 à 6 ore è mezu, 
• u 2 di settembre di u 2011 à 6 ore è mezu, 
• u 3 di settembre di u 2011 à 6 ore è mezu Messa, in lingua corsa, 
• u 4 di settembre di u 2011 à 6 ore è mezu, 
• u 5 di settembre di u 2011 à 6 ore è mezu, 
• u 6 di settembre di u 2011 à 6 ore è mezu, 
• u 7 di settembre di u 2011 à 6 ore è mezu, 
• Ghjovi l'8 di settembre di u 2011 à 6 ore, messa Sulenne è prucessiò,

Nove ghjorni di preghere, è di pii esercizii in l'onore di a Santa di Lavasina, per devuzione è per ottene grazie.

Dipoi u 30 d'aostu fin'à l'8 di settembre in chjesa di San Carlu, hè nuvena di Lavasina, ogni sera à 6 ore è mezu.

Emu avutu ogni sera una messa cantata da amici è gruppi venuti per cantà a gloria di Diu. L'8 di settembre a messa serà cantata da tutte e cunfraterne è seguitata da a prucessiò, dopu si ferà festa davanti à a chjesa di San Carlu. Per purtà a Santa, ghjovi, avemu bisognu d'omi è di forza perchè "Ùn si pò fà, solu, ciò ch'è no ùn pudemu fà ch'inseme incù a forza di Diu."

Bona nuvena à tutti.

L'Uspitalieru.