Ricordu di a fiaccula di a vita

S'hè spenta a fiaccula di a vita,"Alain NICOLI " cunfratellu di San Ghjiseppu

"Alain" davant'à a chjesa di San Carlu incù a passione di a trasmissione di a cultura à i giovani.

http://www.blog.fr/srv/media/dewplayer.swf?son=http://data1.blog.de/media/838/2025838_722a657d0b_a.mp3
E parolle d'Anna Rocchi, una amica d'Alain nant'à l'onde d'Alta Frequenza

U nostru Fratellu è amicu si n'hè andatu à a diritta di u Cristu u venneri 28 di settembre di u 2007 à 7 ore è mezu di matina in clinica, dopu una longa malatia di ott'anni.

L'esequie sò state celebrate u ghjornu di u 1u d'ottobre di u 2007.
A prucessiò hè pertuta da l'oratoriu di San Ghjisè incù e Cunfraterne di San Roccu, di u Santissimu Crucifissu, di Sant'Antone, di Santa Croce di Bastia, di Santa Croce di Brandu, di San Carlu Borromeo, è altre dinù.

A Croce incù u Cristu era davanti, i San Ghjisippani, "a cascia" purtata in spalle da i cunfratelli, u pinzu, e Cunfraterne, è u restu di a famiglia è di l'amici.

Simu ghjunti in chjesa di Santa Maria per a messa, detta in corsu da u Prete Petrolacci, in cumpagnia di a Cunfraterna di San Ghjiseppu è di i Cantadori di San Damianu, secondu a vuluntà di u defuntu.
Un cunfratellu hà fattu un discorsu, u prete Petrolacci n'hà fattu unu dinù incù emuzione.

A so figliuluccia Agata hà fattu un picculu discorsu dicendu in pienghjendu :

U mio babbucciu,

"je sais que depuis un moment tu voulais partir et que maintenant on ne doit pas être triste mais tu es allé rejoindre le Christ et tu es à ta place. Comme l'aurait dit PAPA, ch'è no siamu sempre nant'una strada diritta è in una Corsica libera è in pace."

A ghjente era numerosa pè accumpagnà à Alain per l'altru mondu.

Chi a Madonna t'accumpagni ...

A Cunfraterna San Carlu per a memoria d'Alain Nicoli

U Sottu Priore