Nascita d'Anton'Francescu Gualtieri,

Hè ghjornu santu ! Hè natu luni u 21 di nuvembre di u 2011, ghjornu di a Prisentazione di Maria, Antone Francescu figliolu di Pierre Antoine cunfratellu di San Roccu è figliulinu di Pierrette è di u dettu Tony u nostru cunfratellu ricunnisciutu per a so voce, a so presenza, è a so amicizia.

Tony ghjè un esempiu per i cunfratelli dipoi u principiu di a rinascita di sta cumpagnia, speremu ch'ellu hà dà cuntinuà. Longu andà à Antone Francescu cù a voglia di vedelu in a nostra chjesa di San Carlu. Quantunque ! Pregu per ch'ell'ùn s'assumigliessi micca troppu à u so caccaru ...!

Alleluia !
Alleluia !
Alleluia !

Benvenutu in mondu nostru, Antone Francescu. Cumplimenti à a mamma, à Pierre-Antoine è à Pierette dinù.

A cunfraterna San Carlu Borromeo, u Massaru.

Festa di San Carlu

Festighjeremu venneri u 4 di nuvembre à sera San Carlu cù e vespere chè no feremu à partesi d'ott'ore in chjesa.

U lindumane sabatu u 5 di nuvembre cì ritruveremu à meziornu per manghjà, feremu u scambiu di l'uffizii à 4 ore, seguiterà a messa è a prucessione in carrughju.

Incù l'Associu Carrughju Dirittu metteremu in piazza a statua di a Madonna, chì era stata rotta qualchì tempu prima. Ci serà una ripastu davanti à a chjesa per compie sta ghjurnata di festa.

Venite per sparte cù noi sta festa di San Carlu Borromeo, u 4 è u 5 nuvembre in chjesa San Carlu, carrughju dirittu, Bastia.