Puesia per Fratucciu Ulivu

Fratucciu Ulivu

In sta mane d’'auturnu
U celu s'’hè affuscatu
Di quell'’annunziu saturnu
Ognunu n'hè scunsulatu
U nostru caru piuvanu
Ulivu si n'’hè andatu.
Ripigliu

Sì sò tese le ciccone
Ùn si sente più sunà
Hè mutu u campanone
Nant’'a piazza di u mercà
Ùn c’i hè più quellu pretone
In chjesa di San Ghjuvà.
Ripigliu

Mez’'à tutta la so ghjente
L’'ochju pienu à malizia
Era allegru è surridente
È surgente d’'amicizia
À tutti ne stava à sente
Cun gioia è cun delizia.
Ripigliu

Prete ne fù urdinatu
Nè partì in la legione
D’'un Paternostru armatu
Nè fucile nè cannone
D’'u Signore aiutatu
Per tutti à dispusizione.
Ripigliu

Girat’'hà lu mondu sanu
Per piglianne la pretesa
Cun lu so spirit’'umanu
Di l’'omu senza difesa
Fussi ebreiu o cristianu
È levanne ogn'’offesa.
Ripigliu

Impastatu di tradizione
Di cultura populare
Aduprava cun passione
A lingua corsa à l’'altare
Per prechera o orazione
Ùn perdiva u filare.
Ripigliu

Finitu di celebrà
Mez'’à qualchì paisanu
Si ne stava à ascultà
Un bellu cantu prufanu
Si mettia anc’'à scherzà
Incun qualchì paruchjanu.
Ripigliu

Per stu prete muntagnolu
U cunventu d'Alisgiani
S’hè ricupertu di dolu
Tristi sò issi paisani
Pienghje ogni paisolu
I vicini è i luntani.
Ripigliu

In la cità di Bastia
Nant’'a piazza di u mercà
Chjosa hè la sacristia
Di la chjesa San Ghjuvà
Ùn ci ’hè più eucaristia
Manca Ulivu per precà.
Ripigliu

In sta mane d’'auturnu
U celu s'’hè affuscatu
Di quell'’annunziu saturnu
Ognunu n'’hè scunsulatu
U nostru caru piuvanu
Ulivu si n’'hè andatu.
Ripigliu

Ripigliu
Oghje pienghje Cursichella per un prete chì si ne và
S’hè spenta l’'ultima stella, Fratucciu Ulivu si ne và.


28 d’'ottobre di u 2013.
Ghjuvanni Raffini


Pudete caricà u documentu Word quì sottu.