Cum'è ogni annu incù i cantori di a Cunfraternita di San Carlu simu cullati à participà à una nuvena di San Ghjisè.
Ci era u nostru Priore Tony, u Guvernatore Jean, u sottu Priore Pierre-Jean, u massaru Pascal, l'uspitalieru Olivier, u crunista Jean-Paul.
A messa hè stata celebrata da i preti Ghisoni è Casanova.
A prossima nuvena per noi serà u sabatu 7 di Marzu per a messa di e cunfraterne.
U sottu Priore
Emu accumpagnatu à Alesiu eri,u ghjovi 8 Marzu di u 2007, dopu una bella messa cantata da e cunfraterne di Santa Croce di Purettu Brandu, di u santissimu crucifissu di a Serra, di San Carlu di Bastia è u gruppu I cunfratelli.
A messa di l'anghjuli era celebrata da u vicariu generale A.M.VALERY è dà u prete BALDINI.
A ghjente era numerosa pè sustene Ghjuvan-Liviu è Valeria CASALTA cù e so famiglie.
Stu ghjornu di l'ottu di marzu serà un ghjornu di pena mà dinù di dulcezza pè i nostri cori d'omi.
Alesiu ! Avale vola! canta! è discorre! cun l'anghjuli perchè dà quassù stai in pace è sì di più capace di prutege a to famiglia.
Un ricordu di tè ormai scrittu in u nostru core a tutti...
Piantemuci una stonda per fà una preghera pè stu zitellucciu chì oghje hà francatu u passu trà l'omi è l'anghjuli.
Alesiu avia 19 mesi è era malatu di poi settembre 2006.
Ma sabatu sera era in u "coma".
Ghjè partutu oghje (u marti sei marzu di u 2007) per lochi di dulcezza è di riposu à 6 ore di mane.
Una veghja serà fatta cun tutti quelli chì volenu accumpagnà à Alesiu, à partesi da u mercuri sette di marzu à 15 ore sin'à l'albore, in a casazza di a Cunfraternita di Purettu Brandu.
L'interru si ferà u ghjornu di San Ghjuvanni di Diu, u ghjovi ottu di marzu, in chjesa di Purettu Brandu.
Chì Diu senti e nostre preghere, in nome di u Babbu, di u Figliolu, è di u Spiritu Santu, Amme.
A vita hè qualchì volta trista è negra, ... è cusì sia ...
U sottu Priore di a Cunfraterna di San Carlu è tutti i so cunfratelli.
Visitez aussi la diversité de la vie en Corse.
Bona strada à tutti è bon'viaghju nantu u mare di a cunniscenza.
http://ile.blog.club-corsica.com
