U novu Priore

Stu ghjornu di l'ottu di nuvembre, festa ritardata di a san carlu fatta u 4 di nuvembre avemu un novu Priore è un ordine di cumpagnia novu.

Guvernatore: Petru-Ghjuvanni Didier
Priore: Pasquale Cervoni
Sottu Priore: Benedettu Bronzini di Caraffa
Maestru di i principianti: Marcu Peyraud
Massaru: Ferruccio Gennari
Memoria: Petru Pancrazi
Maestru di ceremonie: Don Petru Luccioni
Maestru di Sacristia: Carlu Giudicelli
Uspitalieru: Ghjuvanni Raffini
Maestru di canti: Michele Paoli

Festa di San Carlu Borromeu

Vi rimettu in testa di bloggu a biugrafia di San Carlu Borromeu chi hè festighjatu u 4 di nuvembre.
Quist'annu feremu a festa davant'à a chjesa l'ottu di nuvembre perchè u quattru cascava in marti è l'ottu in sabatu, per fà chì parechja ghjente possinu vene a celebrà u santu è festighjallu incù a cunfraterna.

Bona festa à tutti i "Carlu", v'aspettemu l'8 di nuvembre à 3 ore dopu meziornu per e vespere, u scambiu d'offizii, a messa, a prucessiò è a festa.

U Priore 2007-2008

Soeur Emmanuelle s'est endormie pour vivre son voyage auprès de Dieu

Soeur Emmanuelle que tout le monde connaît car elle a passé 20 ans auprès des chiffoniers du Caire en Egypte.
Elle a mis son energie au service de Dieu et menée une lutte acharnée contre la pauvreté et l'exclusion.
Elle a construit pour ses enfants, comme elle les appelait, des écoles et des jardins d'enfants.
Cette femme a été un exemple et devra rester un exemple pour changer nos vies et penser aux autres, tout simplement.

Soeur Emmanuelle née Madeleine Cinquin (16/11/1908 - 19/10/2008)
P.P.E.
Merci ma soeur pour l'exemple que vous donnez.

Bella ghjurnata in Cervioni

Avemu passatu tutti una ghjurnata magnifica. Simu stati ricevuti cum'è rè è ciò ch'avemu trovu quassù in paese, ùn era ch'è sensu, benestà, è armunia.
I cerviuninchi, avà cunfratelli di Santa Croce sò ghjente ch'anu decisu di mudellà a so vita cum'è quandu Ghjesucristu ci hà mudellatu à noi tutti.
Sò cunfratelli ch'anu dà purtà un soffiu novu in stu paese anticu riccu di storia.

A lea hè fatta, è per mè, un sensu ancu più forte hè natu, per ch'eu cullessi ancu di più, in u mio paese.
A forza di quella ghjurnata serà sempre in lu mio core.

Grazie per tuttu.

U PRIORE DI SAN CARLU

Festa di San Lisandru Sauli l'ondeci ottobre di u 2008

Sabatu 11 d'ottobre di u 2008, tutta a ghjurnata seremu in Cervioni per stallà a matina a cunfraterna di Santa Croce (sottu a prutezzione di Santu Lisandru Sauli), è a sera, l'uffiziu di i morti per pensà à i nostri cunfratelli amici, è à i tempi passati chì stanu in li nostri cori.
Penseremu dinù a i nostri santi in stu ghjornu.

San Carlu Borromeo era u cunfessore è amicu di Lisandru Sauli è unu di i trè veschi cunsecratori. Per via di quessa anu fattu currispundenza (avemu i so scritti).
San Carlu parlava di Santu Lisandru cum'è guardianu di a so anima, li facia dunque una cunfidenza maiò.
Benedettu XIV dice d'ellu ch'ellu hè statu micca solu u vescu d'Aleria ma l'apòstulu di tutta a Corsica.

Quandu a storia ci ampara l'amicizia di st'omi, eu vogliu chì sta storia cuntinuessi. Passeremu di sicuru mumenti d'allegria per a stallazione di sta cunfraterna è a l'attrachjata mumenti più sulenni, più spirituali, per esse in armunia incù a vita ch'hè fatta di gioia è di pena.
Vulemu da sensu è forza a sta ghjurnata incù omi in cerca di megliustà sottu a prutezzione di San Carlu, Santu Lisandru è Ghjesucristu, u nostru babbu à tutti.


(Site de la mairie de Cervioni):
Festa di Santu Lisandru le samedi 11 Octobre
le 22/09/2008 à 10h31
le samedi 11 Octobre 2008, Cervione fêtera son Saint patron: Santu Lisandru Sauli.

Programme de la journée

10h00: installation de la confrérie Sainte Croix de Cervione parrainée par la confrérie Saint Charles Borromée de Bastia.
10h45: messe chantée par les confréries Saint Charles Borromée de Bastia et la confrérie Sainte Croix de Cervione et Procession.
14h00: chasse au trésor patrimoniale et visite guidée du village animée par l'association "scappata bella".
16h30: goûter sur la place Saint Alexandre pour les participants à la chasse au trésor.
17h00: Office des morts célébré par la confrérie saint-Charles borromée en la cathédrale Saint Erasme.

In memoria di u nostru amicu Alanu Nicoli

Ferà un annu dumenica chì u nostru fratellu Alanu Nicoli si n'hè andatu per lochi di riposu.
Pensemu à ellu è preghemu per ellu:

In nome di u Babbu
di u Figliolu
è di u Spiritu Santu
Ame

Una messa serà celebrata in chjesa di San Carlu dumenica 28 settembre di u 2008 à 6 ore di sera.

U Priore
Petru Ghjuvanni Didier

Natività di a Beata Vergine Maria, l'ottu di settembre, ghjornu di Lavasina.

Inseme avemu fattu cio chè nò ùn pudemu fà ch'inseme.

Preghere, amicizia, vuluntà per urganizà, mantene, è compie sta nuvena di Lavasina per a prucessiò è sempre incù u penseru d'esse abbastanza numerosi per purtà a Santa per a cità di Bastia.
Ma ogni annu simu in l'unione di u Spiritu Santu per purtà i nostri cori versu u nostru Signore Ghjesucristu.
L'amicizia dinù di tutti quelli ch'anu participatu à cantà e messe, ci hà purtatu in core sperenza d'addunisceci sempre di più, è truvà ciò chì ci manca oghje, a fratellanza, sopr'à tuttu altru restu.

A cunfraterna San Carlu Borromeo s'addunisce à mè per ringrazià vi tutti d'esse cusì vicinu à noi.

U PRIORE