http://www.blog.fr/srv/media/dewplayer.swf?son=http://data4.blog.de/media/602/1654602_c838ef18d2_a.mp3
Preparemu pianu pianu u ghjornu di San Carlu, è a nuvità quist'annu hè di cantà e vespere.
Pudete truvà in seguitu versioni di l'Iste Confessor di diverse annate.
San Carlu era vescu è cunfessore. Perciò canteremu l'Iste Confessor u 4 di nuvembre di u 2007.
I cantori di Sermanu, i tenimu forte nù u nostru core di cunfratelli è di paghjellaghji.
Forse stu cantu vi parerà appena falzu ma u più impurtante hè u spiritu cuntenutu in l'unità di sti cantori.
A manera di cantà di st'omi deve firmà un mudellu per a nostra memoria di cantori.
S'ellu si canta megliu oghje, omu si pò dumandà ... di chì manera ?
A quistione di l’evuluzione di u cantu serebbe interessantissime à ponesi.
RépondreSupprimerMi si pare chì u cantu ferma un spechju fidele di a nostra sucetà è ch’oramai, l’incalcu hè messu annantu à a bellezza pè finalità. Invece chì, ancu s’è l’aspettu esteticu hè sempre esistutu, ùn era manc’appena u so scopu principale. U più impurtante nù u cantu, ch'ellu fussi sacru o prufanu, ghjè u spiritu, a fede è l'anima d’un populu ch'ognunu ci mette nentru. U cantu deve firmà una manera di sprimesi è di cummunicà ; tutta pampana ùn dà uva…
D’altronde, cum’ella hè stata detta, ‘ssi canti ci parenu appena falzi. Ci sò di sicuru voce falze, cum’elle ci seranu anc’oghje. Ma sopratuttu, ci vole à tene à mente chì a nostr’orechja ùn hè più avezza à sente cantà d’una manera simula. Sta versione hè bella più arcaica, cù un ritimu di cantu particulare. Ùn currisponde più à i nostri standard oghjinchi. Oghje, più nimu canta di sta manera è parechje virsure sò state perse o « allisciate » ver’di l’anni 70 da ch’ellu ci fussi più armunia. N’hè u casu per esempiu di u « Dio vi salvi Regina ».