UN UFFIZIU DI E TENEBRE VECHJU DI SEDECI SECULI

Eccu un archiviu di 2003 ch'aghju ritrovu è chì tratta di "l'Uffiziu di u Venneri Santu chi si dice...u Ghjovi à sera".
Simu avale in 2007 è l'uffiziu hè sempre vivu. U celebremu in lingua corsa dipoi annu, è hà sensu ancu di più per noi.

Dipoi trè anni a chjesa San Carlu torna ritrova a tradizione. Cusì eri sera hà urganizatu una prucessiò, in chjesa è senza prete. Un mumentu forte è particulare.
A l'occasione di a Settimana Santa, a Cunfraterna di San Carlu creata in u 1640, hà celebratu ghjovi sera « l'Uffiziu di e Tenebre ».
S'elle sò state e cunfraterne prisente in a storia di a cristianità, ancu sì a civilisazione uccidentale e face smarrì, in Corsica è in tuttu u Mediterraniu fermanu sempre vive.
I cunfratelli di San Carlu ùn sò micca un gruppu folcloricu nè ghjente nostalgica, nè mancu integristi, ma sò cristiani chì si sentenu particularmente sulidarii di a cumunità.
Sò omi è donne chì si ricentranu nant'à l'amore di u prossimu. Dice Pierre Pancrazi : « simu laichi, è micca santi. Oghje certi sò fieri d'esse Buddisti, noi simu fieri d'esse cristiani ».

A cunfraterna si cumpone di vinticinque persone da 17 à 83 anni d'ogni classa suciale. Tutti l'anni hè numinatu un priore è a so massima hè : « obedienza ». I membri s'adduniscenu duie volte à settimana è urganizeghjanu una messa cantata misinca.
Anu attività caritative, i cunfratelli sò chjamati per cantà e messe di dolu o di matrimoniu in Bastia è in parechji paesi. Ghjovi sera pè a terza annata di fila, a cunfraterna San Carlu hà fattu rinasce a tradizione urganizendu « l'Uffiziu di e Tenebre », chì cumemureghja a morte di Cristu, quandu Diu diventatu omu cunnobbe u tradimentu, a bugia, a viulenza, l'inghjustizia, a suffrenza, u dubbitu è a morte.

Sò sedeci seculi chì sta ceremonia si praticheghja di listessa manera.

I cunfratelli sò vestuti d'un camisgiu biancu, un curdone neru annudatu in giru à a vita, una mantelletta rossa sopra è nera sottu, u capu hè piattu da un cappucciu neru. Vestitoghja simbolica, u camisgiu biancu riprisenta quellu di Cristu, avviendu si versu u calvariu, u curdone ricorda u mumentu duve Cristu fù ligatu, a mantelletta ricorda u flagellu, è u cappucciu hè simbulu d'umilità.

Cusì vestuti, i cunfratelli cantanu i salmi in latinu è e pulifunie tradiziunale. A ceremonia hè puntellata da e letture è da e laude.

A prucessiò misteriosa si move sin'à in piazza à a chjesa per inturchjà si in chjerchji sacri. À u centru, u priore tene un cirone accesu chì allumineghja tutti i cunfratelli. U lume ghjè Cristu. Pè i cunfratelli, a ceremonia di e Tenebre sò e Via Cruci, u mumentu duve Cristu hè u più vicinu da l'omi. L'uffiziu principia à 8 ore senza prete in chjesa San Carlu, l'unicu locu chì face rinasce sta tradizione.

Riferenza di l'A.D.E.C.E.C in l'archivi : A- C.M. 18.04.03 O.B

Saint-Homobon " le 13 Novembre "

Un tableau qui nous a été restitué est déjà dans notre église mais pas encore accroché.
Il représente Saint-Homobon et Saint-françois d'Assise aux pieds de l'Immaculée Conception.

Saint-Homobon était tailleur et marchand de drap, à Crémone en Italie. Il était en effet un " homme bon ", d'une inépuisable bonté pour les pauvres. Ses vertus et ses miracles après sa mort le firent mettre au nombre des saints.

Nous fêterons HOMOBON le 13 Novembre.

SP

Un rigalu di u nostru cunfratellu Honoris Causa Michele Paoli

Eri, u m'amicu Michele m'hà fattu, o piuttostu ci hà fattu (à a nostra cumpagnia) un rigalu in u filu di a tradizione è di a custruzzione di u spiritu corsu, chi serà u presente di i nostri cunfratelli à vene (a spergu !).
Ci hà mandatu a traduzzione di a biugrafia di San Carlu Borromeo incù qualchì ritrattu bellu sceltu, bellezza di u so sapè fà !

In qualità di Sottu Priore l'aghju ringraziatu à nome di a Cunfraterna sana.

O Michè, chì u to sapè è a to amicizia sianu sempre incù noi tutti.
Ti ringraziemu !
Chì a to vita sia bella incù Sonia è u criaturellu chì si face.



Pudete andà dinò nantu u so blogu à fà una visita :

http://corsicaterraferma.blogspot.com/