A cunfraterna San Carlu nantu à l'onde d'R.C.F.M.

Incù u più grande piacè ci simu trovi in u scagnu d'R.C.F.M. per parlà di e cunfraterne ma sopratuttu per parlà di a nostra cumpagnia ind'è l'emissione PARENTI E SFARENTI di Christophe ZAGAGLIA.
Eramu incù Pasquale Cervoni "u Priore - OBBEDIENZA", Tony Gualtieri "Cunfratellu, anzianu Guvernatore", Petru Pancrazi "Memoria di a cunfraterna", è Petru Ghjuvanni DIDIER "Guvernatore - Guardianu d'u spiritu di a cumpagnia" per spiegà a nostra vuluntà di fà cresce u spiritu cunfratellu mà dinù per spiegà u nostru caminu per diventà un fratellu.
I temi sò stati quelli di i giovani incù a cunfraterna di San Roccu, a storia di a nostra cumpagnia, u scopu di circà soldi per quelli ch'anu bisognu, etc ...
Emu datu, pensu, un idea generale di ciò chì pò esse una cunfraterna d'oghje incù verità.
Oghje omu hè cunfratellu per travaglià per l'altri mà dinù per scopresi, per vive è esse megliu in un mondu troppu grande per noi ... Femu u pocu ch'è no pudemu per dà l'esempiu è per pruvà à "esse" invece di "parè".

A nostra discursata ci hà datu l'occasione di parlà incù altri cunfratelli cum'è per esempiu M. Nesa di a Cunfraterna Sant'Antone Abbate d'Aiacciu chì ci hà chjamatu per dì ci chì st'emissione PARENTI E SFARENTI era interessantìssima. Ci face piacè chì e nostre parolle possinu ribumbà fin'à in Aiacciu ind'è i cori di i nostri Corsi.
Ci pudete chjamà : 06 85 65 51 74, per discorre è ci pudete truvà u marti è u venneri sera à partesi di ott'ore di sera in chjesa San Carlu in Bastia.

Hè natu Jean

U 13 nuvembre di u 2008, ghjornu di San Briziu hè natu u bellu Jean.
Figliulinu di u nostru cunfratellu Ghjuvan Paulu Paoli u duttore, omu di scienzia è di sapienza ricunisciutu ch'hè statu priore di a nostra cumpagnia parechji anni fà. Tutti sò chjamati à a felicità, Marielle a mammona dinù.



Felicitemu sopratuttu a mamma Maryline è u babbu Etienne Seatelli ch'anu fattu un bellu criaturu di 2,700 kg.

Alleluia! Alleluia! Alleluia!

Chì a to vita o bellu Ghjuvà, sia prutetta da a Vergine Maria, da San Carlu è da tutti i Santi.

A cunfraterna San Carlu hè felice d'accoglie stu criaturu, in u nome di u Babbu, di u Figliolu è di u Spiritu Santu.
Ame.

Gloria à tè, giovanu Ghjuvanni Seatelli.

U Guvernatore

U novu Priore

Stu ghjornu di l'ottu di nuvembre, festa ritardata di a san carlu fatta u 4 di nuvembre avemu un novu Priore è un ordine di cumpagnia novu.

Guvernatore: Petru-Ghjuvanni Didier
Priore: Pasquale Cervoni
Sottu Priore: Benedettu Bronzini di Caraffa
Maestru di i principianti: Marcu Peyraud
Massaru: Ferruccio Gennari
Memoria: Petru Pancrazi
Maestru di ceremonie: Don Petru Luccioni
Maestru di Sacristia: Carlu Giudicelli
Uspitalieru: Ghjuvanni Raffini
Maestru di canti: Michele Paoli

Festa di San Carlu Borromeu

Vi rimettu in testa di bloggu a biugrafia di San Carlu Borromeu chi hè festighjatu u 4 di nuvembre.
Quist'annu feremu a festa davant'à a chjesa l'ottu di nuvembre perchè u quattru cascava in marti è l'ottu in sabatu, per fà chì parechja ghjente possinu vene a celebrà u santu è festighjallu incù a cunfraterna.

Bona festa à tutti i "Carlu", v'aspettemu l'8 di nuvembre à 3 ore dopu meziornu per e vespere, u scambiu d'offizii, a messa, a prucessiò è a festa.

U Priore 2007-2008

Soeur Emmanuelle s'est endormie pour vivre son voyage auprès de Dieu

Soeur Emmanuelle que tout le monde connaît car elle a passé 20 ans auprès des chiffoniers du Caire en Egypte.
Elle a mis son energie au service de Dieu et menée une lutte acharnée contre la pauvreté et l'exclusion.
Elle a construit pour ses enfants, comme elle les appelait, des écoles et des jardins d'enfants.
Cette femme a été un exemple et devra rester un exemple pour changer nos vies et penser aux autres, tout simplement.

Soeur Emmanuelle née Madeleine Cinquin (16/11/1908 - 19/10/2008)
P.P.E.
Merci ma soeur pour l'exemple que vous donnez.

Bella ghjurnata in Cervioni

Avemu passatu tutti una ghjurnata magnifica. Simu stati ricevuti cum'è rè è ciò ch'avemu trovu quassù in paese, ùn era ch'è sensu, benestà, è armunia.
I cerviuninchi, avà cunfratelli di Santa Croce sò ghjente ch'anu decisu di mudellà a so vita cum'è quandu Ghjesucristu ci hà mudellatu à noi tutti.
Sò cunfratelli ch'anu dà purtà un soffiu novu in stu paese anticu riccu di storia.

A lea hè fatta, è per mè, un sensu ancu più forte hè natu, per ch'eu cullessi ancu di più, in u mio paese.
A forza di quella ghjurnata serà sempre in lu mio core.

Grazie per tuttu.

U PRIORE DI SAN CARLU

Festa di San Lisandru Sauli l'ondeci ottobre di u 2008

Sabatu 11 d'ottobre di u 2008, tutta a ghjurnata seremu in Cervioni per stallà a matina a cunfraterna di Santa Croce (sottu a prutezzione di Santu Lisandru Sauli), è a sera, l'uffiziu di i morti per pensà à i nostri cunfratelli amici, è à i tempi passati chì stanu in li nostri cori.
Penseremu dinù a i nostri santi in stu ghjornu.

San Carlu Borromeo era u cunfessore è amicu di Lisandru Sauli è unu di i trè veschi cunsecratori. Per via di quessa anu fattu currispundenza (avemu i so scritti).
San Carlu parlava di Santu Lisandru cum'è guardianu di a so anima, li facia dunque una cunfidenza maiò.
Benedettu XIV dice d'ellu ch'ellu hè statu micca solu u vescu d'Aleria ma l'apòstulu di tutta a Corsica.

Quandu a storia ci ampara l'amicizia di st'omi, eu vogliu chì sta storia cuntinuessi. Passeremu di sicuru mumenti d'allegria per a stallazione di sta cunfraterna è a l'attrachjata mumenti più sulenni, più spirituali, per esse in armunia incù a vita ch'hè fatta di gioia è di pena.
Vulemu da sensu è forza a sta ghjurnata incù omi in cerca di megliustà sottu a prutezzione di San Carlu, Santu Lisandru è Ghjesucristu, u nostru babbu à tutti.


(Site de la mairie de Cervioni):
Festa di Santu Lisandru le samedi 11 Octobre
le 22/09/2008 à 10h31
le samedi 11 Octobre 2008, Cervione fêtera son Saint patron: Santu Lisandru Sauli.

Programme de la journée

10h00: installation de la confrérie Sainte Croix de Cervione parrainée par la confrérie Saint Charles Borromée de Bastia.
10h45: messe chantée par les confréries Saint Charles Borromée de Bastia et la confrérie Sainte Croix de Cervione et Procession.
14h00: chasse au trésor patrimoniale et visite guidée du village animée par l'association "scappata bella".
16h30: goûter sur la place Saint Alexandre pour les participants à la chasse au trésor.
17h00: Office des morts célébré par la confrérie saint-Charles borromée en la cathédrale Saint Erasme.