Pace è Salute di Cristu

À voi tutti è à i vostri, a cunfraterna San Carlu Borromeo vi prega un bon annu novu, cun Pace è Salute di Cristu.

Bon dì, bon annu è boncapu d'annu, Pace è Salute pè tuttu l'annu.

Meilleurs voeux et Bonne Année 2013.

Cunfraterna San Carlu Borromeo di Bastia.

Messa di Natale, u 25 dicembre 2012 in chjesa San Carlu

Serà celebrata a messa di Natale in lingua nustrale, arregistrata da RCFM u 21 dicembre 2012 à ott'ore dopu cena. Serà cantata da parechj'artisti cumè Felì è u quatuor à corde, cù a cunfraterna è amici.

Puderete ascultà la u 25 dicembre per a notte di Natale annant'à l'onde di RCFM 101.7.

Bon Natale à tutti.

Uffiziu di Natale

Dipoi 3 o 4 anni avemu decisu di sparte incù i nostri cunfratelli di a parochja l'Uffiziu di Natale traduttu in corsu da l'uffiziu di a B.V.M, travagliu fattu da un cunfratellu per l'usu di a nostra cumpagnia è di quelle chì volenu esse in a tradizione secularia di e cunfraterne di Corsica.

Depuis plusieurs années, nous célébrons avec bonheur l'Office de Noël dans une cérémonie entièrement célébrée en corse. Voici le document, fruit du travail d'un confrère pour la confrérie, correspondant à cette cérémonie :

Pudete caricà stu documentu:

Resta a prugrammà un ghjornu per celebrà st'uffiziu.

Cunfratellu di a CSCB.

Fête de Saint-Charles 2012

La fête de Saint-Charles, le dimanche 4 novembre.

Les fidéles et tous ceux qui ont envie de partager ces moments avec nous sont les bienvenus et la confrérie serait heureuse de les inviter au repas sur le parvis qui suivra la procession.

Bonne fête à tous les Charles.

• Festighjeremu a dumenica u 4 nuvembre à San Carlu Borromeo.
• Feremu u scambiu di l'uffizii, seguiterà a messa è a prucessione in carrughju.
• Forse ci serà l'associu di u carrughju dirittu chì metterà in piazza a statua di a Madonna.
• Ci serà una ripastu davanti à a chjesa per compie sta ghjurnata di festa.

Venite per sparte cù noi sta festa di San Carlu Borromeo u 4 nuvembre di u 2012 in chjesa San Carlu.

Bona festa a tutti i "Carlu" chè vò cunniscite.

Ghjuvan Petru Acquaviva hè cunfratellu

Incù stu liame pudete ritruvà l'emissione "Fora di strada" prisentata da Yann Benard chì avia invitatu u nostru fratellu Ghjuvan Petru Acquaviva.

http://youtu.be/P1OeMc1I1Hk

Hè statu accettatu cum'è cunfratellu l'ottu settembre di u 2012, u ghjornu di a Madonna di Lavasina cum'ellu hè l'usu in a nostra cumpagnia.

L'omi si ponu scuntrà o nò, dopu si ponu tene cari o nò, è di manera nurmale ci vole a manghjà un decalitru di sale pè cunnosce una persona, ma cun l'omi cusì ùn ci hè bisognu di nunda, basta à frequentallu viderete chì st'omu quì, ghjè ascultera, manu tesa è focu di fraternità.

Simu tutti felici d'avè ricevutu à Ghjuvan Petru in a nostra cumpagnia.

U Massaru.

Concert de Barbara Furtuna

En l'église Saint Charles, mercredi 26 septembre à 20h30 aura lieu un concert du groupe Barbara Furtuna pour les œuvres de notre confrérie. L'entrée est fixé à 15€€.

Venite numerosi !

Natività di a Beata Vergine Maria

• u 30 aostu di u 2012 à 6 ore è mezu, 
• u 31 aostu di u 2012 à 6 ore è mezu, 
• u 1 settembre di u 2012 à 6 ore è mezu, 
• u 2 settembre di u 2012 à 6 ore è mezu, 
• u 3 settembre di u 2012 à 6 ore è mezu, messa in lingua corsa, 
• u 4 settembre di u 2012 à 6 ore è mezu, 
• u 5 settembre di u 2012 à 6 ore è mezu, 
• u 6 settembre di u 2012 à 6 ore è mezu, 
• u 7 settembre di u 2012 à 6 ore è mezu, 
• Sabatu l'8 settembre di u 2012 à 6 ore, messa sulenne è prucessiò,

Nove ghjorni di preghere, è di pii esercizii in l'onore di a Santa di LAVASINA, per devuzione è per ottene grazie.

Da u 30 d'aostu fin'à l'8 di settembre in chjesa di San Carlu, hè nuvena di Lavasina, ogni sera à 6 ore è mezu. Avemu ogni sera una messa cantata da gruppi venuti per cantà a gloria di Diu è per amicizia. A messa di l'8 di settembre serà cantata da tutte e cunfraterne è seguitata da a prucessiò. Si ferà in seguita di parte sacra, una festa davanti à a chjesa di San Carlu, ci serà da beie è da manghjà, bella sicura. Per purtà a Santa, Sabatu, averemu bisognu di parechj'omi è di forza per purtà incù a forza di Diu.

Bona nuvena à tutti.

U Massaru.