Hè nata Francesca Maddalena Rucchisgiana PAOLI

Hè nata sta mane u ghjornu di Santa Cicilia, u 22 nuvembre di u 2007 à nov'ore di mane, Francesca Maddalena Rucchisgiana PAOLI figliola di u nostru Cunfratellu Michele Paoli, Omu musicante è cantadore è di Sonia Moretti, Prufessore è Pueta tuttu i dui ricunnisciuti dà quelli à chi piace a corsica, a so lingua, a so cultura.

"Francesca facia 3,125 chilò è 48 cm à a so nascita"

Alelluia!
Alelluia!
Alelluia!

Benvenuta in mondu nostru, bella Francesca

Cumplimenti à a Mamma è à u Babbu, di a cunfraterna San Carlu Borromeo

U Priore

Reunione per u 2007 è u 2008

Dumenica 25 Nuvembre 2007
« Ghjornu di Santa Catalina d’Alessandria
Vergine è Martire» Reunione Rimessa Veneri 30 Nuvembre à ott'ore di sera

Dumenica 23 Dicembre
« Ghjornu di Santa Vittoria »

Dumenica 27 Ghjennaghju 2008
« Ghjornu di Santa Divota Santa Patrona di a Corsica è Santu Ghjuvà Crisostomu Ep, conf, eccl, doct »

Dumenica 24 Ferraghju 2008
« Ghjornu di Santu Mudestu è San Matteu Apostulu »

Dumenica 30 Marzu 2008
« Ghjornu di Santu Amadeu Settimana Santa»

Dumenica 27 Aprile 2008
« Ghjornu di Santa Zita è Santu Petru Canisius
conf, eccl, doct »


Dumenica 25 Maghju 2008
« Ghjornu di Santa Maddalena Suffia è Sant’Urbanu Papa è Martiru»

Dumenica 29 Ghjugnu 2008
« Ghjornu di Santu Petru è Paulu Apostuli »

Dumenica 27 Lugliu 2008
« Ghjornu di Santu Pantaleone Martiru »

Dumenica 24 Aostu 2008
« Ghjornu di Santu Bartulumeu Apostulu»

Dumenica 28 Settembre 2008
« Ghjornu di Santu Venceslau Martiru»

Dumenica 26 Uttobre 2008
« Ghjornu di Santu Evaristu Papa è Martiru»

Nota Bene : E reunione principieranu a ott’ore di sera.
Pregu tutti i Cunfratelli d’esse dispunibile per u rispettu di a Cunfraterna.

U PRIORE

Un annu digià ...

De Bastia, Perelli d'Alesani, a Petra di verde

17 novembre 2006
17 novembre 2007

Un annu hè digià passatu
Chè tù ti ne sì andatu
Per sempre adduluratu
U tempu pare firmatu
Tutt'ognunu hè scunsulatu
D'ùn avè ti à lu so latu

Voilà un an que tu nous as quitté, tu reposes à côté de ton père.
Une messe sera célébré à leur intention le 17 novembre 2007 à 15h30 en l'église Saint-Roch à Bastia.

Priez pour eux !

Le compteur de vos visites sur les blogs

Le compteur est aujourd'hui à 195 visiteurs sur le blog de paghjelle, cantate è versi scritti: www.paghjella.blog.fr

Le compteur est aujourd'hui à 390 visiteurs sur le blog de photos www.pierre-jean-didier.blog.fr

J'espère que le contenu des blogs vous interesse, je vous invite à compléter ces informations en me contactant sur: pijedid@hotmail.com

Merci de laisser également vos commentaires sur les articles qui ont retenu votre attention.

Le Prieur

Articulu di u "Corse-Matin"

Ghjornu di a San Martinu 11 nuvembre 2007

U Priore à mezu, u sottu Priore à a manu manca è u Maestru di i Principianti à manu dritta. A Cunfraterna San Carlu Borromeo davanti a u Santu ( In rossu bella sicura!).

Discours du Prieur pour l'année 2007-2008 / Jour de la Saint Charles 04 Novembre 2007 en l'église Saint Charles Borromeo de Bastia

Ci-dessous le discours à télécharger:

Passagii d'uffizii per l'annu 2007-2008

Tutti i cunfratelli si sò adduniti per passà i s'uffizii cum'ella vole a tradizione.
Tutti l'anni i cunfratelli scambianu d'uffizii incù Umilità è vuluntà d'esse in armunia incù l'antichi.

Prima à u Passagiu d'uffizii, i Cunfratelli anu celebratu e vespere di a San Carlu incù pietà.

I cunfratelli mettenu e so mantelette nantu à l'altare prima di falà in chjesa per "u passagiu d'uffizii"

I Cunfratelli pronti à esse incaricati di i s'uffizii

U novu Priore incaricatu di u s'uffiziu da u Priore è da u Guvernatore

U Novu Priore prumette d'esse in a tradizione di l'antichi per diventà un omu capace d'ordinà tutti l'uffizii perchì a Cunfraterna sia nant'una bella strada.
U Priore prumette dinù di custruì i prugetti di tutti i cunfratelli perchè ùn hè micca solu, i cunfratelli sò inseme.

Da Priore à Priore

U novu Priore à manu manca, cù l'anzianu à mezu è u Guvernatore, prontu à diventà polvera

L'anzianu Guvernatore rimette à u novu Guvernatore, davant'à u Priore

U Guvernatore prumette di custudì tutta a Cunfraterna, ch'ella sia in a strada diritta.

Sì statu "Polvera" è ritorni "Polvera"

L'anzianu Guvernatore diventa torna un cunfratellu frà l'altri

Laura a figliola di u Priore

U Sottu Priore incaricatu di u s'uffiziu da u Priore

Ellu prumette d'esse attente à i cunfratelli per travaglià inseme incù u Priore, affinch'è d'esse una sola squadra.

U Maestru di i Principianti incaricatu di u s'uffiziu da u Priore, à manu manca

Ellu prumette d'esse attente à i Principianti per u s'avvene in a Cunfraterna. S'incaricheghja di a trasmissione di u sapè per i novi cunfratelli.
L'omu serà, sì Diu vole "Sottu Priore" l'anu prossimu.

U Crunista, dettu Memoria incaricatu di u s'uffiziu da u Priore

È prumette davant'à i so Fratelli di mantene è di purtà a Memoria di a Cunfraterna.

U Massaru incaricatu di u s'uffiziu da u Priore à manu manca

È prumette di tene secretu u tesoru di a Cunfraterna. Prumette dinù di circà offerte è doni da quelli chì volenu, o di fà crèstula per quelli ch'anu bisognu.

L'Uspitalieru incaricatu di u s'uffiziu dà u Priore à a manu manca

è prumette davanti tutti i so Fratelli d'esse a divizia di a cunfraterna "Un ascoltu, è una manu tesa" per u bè di tutti i fratelli

Maestri di "Sacristia-Ceremonie-Canti" incaricati di i s'uffizzi da u Priore

L'uffizii adduniti

Particularità di quist'annu: U Maestru di Sacristia (à manu mancu manca in biancu) incù quellu di e Ceremonie (à mezu in biancu) seranu aiutati di Principianti (da ogni parte di i Maestri incù a manteletta) anch'elli incaricati di l'uffiziu.
À diritta, u Maestru di Cantu (in biancu).

Cantori Festa di San Carlu 04-11-2007

A Festa di a San Carlu Borromeo 2007

A messa hè stata celebrata da u prete Prescelti dopu à u Passagiu d'uffizii.

U Maestru di ceremonie, I Naziunali

Prucessiò di a festa di San Carlu Borromeo

A Prucessiò di a Festa di a San Carlu 2007

Dopu messa, U prete Prescelti, i Naziunali, i Cunfratelli è tutti i Cristiani sò pertuti da a chjesa per cullà pè a traversa Paoli, u corsu Auguste Gaudin, poi u carrughju dirittu, per ghjunghje infine in chjesa San Carlu.

A prucessiò

U Priore, u Santu, i Purtadori

In cima di a traversa Paoli

I Naziunali davanti a u Palazzu di Ghjustizia

Carlu Felice Colombani "futur confrère"

A prucessiò, vicinu à u cunventu Sant'Anghulu

Fin d'Auguste Gaudin pour descendre

Entre Auguste Gaudin et La rue du colle

Station en haut de la rue du Colle

Aux 4 points cardinaux devant Romieu

Uffiziu di i morti in Castagniccia. Bicentinariu di a morte di Pasquale Paoli

In st’annata di u bicentinariu di a morte di Pasquale Paoli, u paese di Quercitellu hà vissutu un mumentu impurtante è stòricu.

In fatti, e cunfraterne di Balagna, di u Ghjunsani, di a pieve di a Serra, cù quelle di San Roccu è di San Carlu Borromeo di Bastia, sempre impinserite di mantene è di tramandà e nostre tradizioni seculare, avianu decisu di celebrà l’Uffiziu di i Morti in stu paisolu di Castagniccia.

Stu paese fù sceltu per via chì Pasquale è Clemente Paoli, à a so epuca, fecenu parte di a Cunfraterna di San Ciprianu di u Quercitellu.

Dunque, in omagiu à i Paoli, sti cunfratelli anu decisu di fà st’uffiziu in a Casazza di l’anziana cunfraterna.

Dopu avè pigliatu appuntamentu incù i paisani per urganizà a ceremonia, imparonu chì da qualchì tempu l’antica cunfraterna di San Ciprianu ripigliava fiatu.

Tutti inseme decisenu dunque di fà duie ceremonie u listessu ghjornu, u 3 di nuvembre di u 2007.

Prima, a stallazione di a cunfraterna di San Ciprianu cuminciò. A ceremonia celebrata à 11 ore, da u diacunu Petru Ghjuvanni Franceschi, hè stata cantata da parechji cunfratelli. Una ora dopu e campane di a vechja casazza annunziavanu a rinascita di a cunfraterna di San Ciprianu incù i so quattordeci cunfratelli.

À l’attrachjata, a chjesola di San Ciprianu ùn pudia accoglie tutta a ghjente. Mentre una ora, à a luce di i candelli, una settantina di cunfratelli anu cantatu l’uffiziu di i morti.

Mumentu impurtante per e cunfraterne perchè chì st’uffiziu ùn hè guasi più praticatu. Sta ghjurnata hà permessu d’arradicà è di tramandà e nostre tradizioni. Cusì avemu pussutu vede unu di i più giovani cunfratelli (diciott’anni) cantà incù unu di i più vechji.

Dopu à issa magnifica ghjurnata, e cunfraterne prisente anu prumessu di riscuntrassi per altri mumenti impurtanti è di mette in ballu, in ogni pieve, quell’uffiziu ogni 2 nuvembre, ghjornu di i morti.

U Guvernatore 2006-2007
Ghjuvanni Raffini

A rinascita di a Cunfraterna San Ciprianu di u Quercitellu

U sabbatu 3 di nuvembre di u 2007 avemu passatu una bella ghjurnata in u Quercitellu per stallà a cunfraterna di San Ciprianu di u Quercitellu è di Stoppianova.

Versu l'ondeci ore hè principiata a messa celebrata da u diacunu Petru Ghjuvanni Franceschi.
Noi è e Cunfraterne di Balagna emu stallatu i tredeci cunfratelli incù u rispettu di a tradizione di a stallazione di i cunfratelli.

Simu stati ricevuti in Bocca à u Pratu per un ripastu in aspettendu l'uffiziu di i morti in l'onore di u bicentenariu di a morte di Pasquale Paoli, anzianu cunfratellu di u Quercitellu.
St'uffiziu s'hè passatu incù una simplicità è pietà chi facenu piacè à i nostri cori di Cristiani.

Sè vò vulete appena più infurmazione nant'à a storia di u Quercitellu è u circondu, visitate :
http://www.castagniccia.net/ciprianu.htm

U Priore 2007-2008
Petru Ghjuvanni DIDIER

Per mette tuttu in ordine, u Maestru di e ceremonie

U gunfalone di a Cunfraterna San Ciprianu di Quercitellu

Per a Settimana Santa :

Per e prucessiò :

In Prucessiò nanz'a entre indè a chjesa

I novi Cunfratelli nanz'a messa di stallazione

Charles Grimaldi, di a Porta d'Ampugnani

I San Carlani davanti u cimitò accantu à a chjesa

L'anzianu Priore di San Carlu

U diacunu Petru Ghjuvanni Franceschi

Alelluia!!!

Stallazione ufficiale

Rimessa di i Camisgi è Mantelette

Davanti u pergamu, i cunfratelli di Balagna è quelli di San Carlu di Bastia

I San Carlani è i novi cunfratelli

Da manu manca sin'à diritta, Balagna, Bastia, Quercitellu